Plantun de Prouvènço

Pèr coumpara dos planto d'encò nostre

Primula farinosa & Anemone narcissiflora

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Chamoussèu

Anemone narcissiflora

Ranunculaceae

Àutri noum : Chamoussel, Chaboussel.

Nom en français : Anémone à fleurs de narcisse.

Descripcioun :
Lou chamoussèu (Ubaio) trachis dins li pelouso e li prado de mountagno sus cauquié. Flouris belamen en brout (oumbello) blanco dessuto e un pau roso dessouto. La planto èi pulèu forto e peludo amé de fueio telado di tros redoun en rai vers lou deforo.

Usanço :
Coume tóuti lis anemouno, es uno planto empouisounanto.